SafeLink se yon liy telefòn gratis pou pwoblèm vyolans domestik ki kouvri tout eta Massachusetts la. Se Casa Myrna Vazquez ki opere li 24 è sou 24. Nimewo SafeLink la se (877) 785-2020. Moun k ap reponnn telefòn SafeLink yo pale angle ak panyòl, epitou yo kapab jwenn tradiksyon pou ofri sèvis nan plis pase 140 lòt lang. Si ou pa tande byen, tanpri rele nan nimewo SafeLink ki ofri sèvis pou moun ki tande di yo (877) 521 -2601. Tout koutfit ou fè nan SafeLink gratis, konfidansyèl e ou pa bezwen bay non ou.
SafeLink se yon sèvis pou tout viktim vyolans domestik. Moun k ap reponn telefòn nan SafeLink resevwa f òmasyon espesyal pou pèmèt yo ofri sipò san yo pa pòte jijman, pou yo ofri èd nan fè plan pou pwòp sekirite ou, ak pou bay enfòmasyon sou lòt sèvis ak resous ki disponib. Si ou nan yon sitiyasyon ki menasan pou sekirite ou, sa vle di ki prezante danje pou ou, teknoloji dènye kri SafeLink itilize yo pèmèt moun k ap reponn ou an rete sou liy lan ak ou pandan li mete ou an kontak ak yon sèvis nan zòn ou an ki kab fè ou jwenn kote pou ou rete an tout ijans. Sa pèmèt moun ki rele enpi ki an danje yo jwenn sèvis grasa yon sèl koutfil olye pou yo telephone plizyè kote plizyè fwa. Ou mèt rele SafeLink si ou senpleman bezwen pale de sitiyasyon ou – se pa sèl lè ou bezwen kote pou ou rete sèlman.
Sèvis SafeLink Ofri
- Planifikasyon pou sekirite – Kijan viktim vyolans domestik kab pwoteje tèt yo ak fanmi yo
- Sipò pandan y ap koute – yon kote pou ou pale de sa k ap pase nan relasyon ou san ou pa santi okenn menas
- Entèvansyon nan ka Pwoblèm – enfòmasyon ak èd lè ou bezwen
- Koneksyon dirèk ak plis pase 50 pwogram refij nan eta Massachusetts la
- Rekòmandasyon nan lòt eta – kijan ou ka jwenn pwogram ak refij toupatou nan peyi a.
- Resous Legal – pale ak yon avoka nan sèvis legal Casa Myrna.
- Lòt resous ki an rapò ak vyolans domestik.
- Sipò ak resous pou nenpòt ki moun ki enkyete pou yon viktim vyolans domestik.